ياسمرة وسمارك ضي - للشاعر جحا المصري المصري
يا سمرا وسمارك ضى
انا رايح وابنى جى
وفى ترابك لحم الحى
وعشقت التوته والضله
وميه نيلك من القله
ورغيف مخبوز من الغله
وكف مشقق من الفاسى
ارضك على عدوك قاسى
وصخرك فى ايدى كالحنه
يا سمرا وسمارك سما
ووصفك نازل من سابع سما
اهل الرحم والذمه
وجند الحق والهمه
على العهد باقيين لك
وساعة الجد فدا لك
ويوم الوعد شاقين لك
جبال الصخر هدين لك
جاهزين للعدا لك
يا سمرا وسمارك ضى
عشقت ترابك البنى
وطول عمرى وانا وابنى
بنبنى كل يوم فيكى
ماكفى م الشقا شقق
وكام شق فى كفى يكفيكى
ما يكفى محبتى ليكى
وعشق الورد والريحان
وعشق البنت والصبيان
وعشق الغربه للعوده
ياسمر بتوب ملفوف
ابيض بلون الضى
اكمل وصفك من تانى
كل يوم ابنى بيت تانى
كلمه وجمع حروف
ايا سمرا انا خيال
بحب المهره ولاده
مداده لميت جد وزياده
وهلال على الجبين مايل
تتعايق وتتميل
ووقت الجد حماله
سمارها من سمار لونك
لا من شمس ولا ضل
كريمة الاصل كالخل
كالخال ياسمرا
يا سمرا وسمارك مى
تسقى وتروى المى
كاتم من زمان المى
ويكتب الحروف قلمى
ودمعى يطفى نار المى
طال الليل بلا ضى
وجى بعد شيب جى
ماعرف لى كام يوم جى
اعيش نهارك يا سمرا
وامد انهارك على ارضى
وابنى من تانى فى ارضى
مداين نور واعلى
واصلى على ترابك كام فرض
العمر الطويل ليكى
يا سمرا وسمارك ضى
انا رايح وابنى جى
منشورات مجلة Unknown
بتاريخ الأحد, أغسطس 28, 2011.
أنظر قسم
شعر وشعراء
.
نرحب بآرائكم وملاحظاتكم ومساهماتكم راسلنا
الله الله تشكرى وعلى كل المجهود الرائع