الخلاصة - للكاتب ابراهيم عاطف ابراهيم

مقال بلا نقاط

كل مجتمع فيه الكثير من الفئات وتتعدد الاهداف والامنيات ... اختلاف في الافكار والاتجاهات ... اوضاع حاليه واوضاع من زمن فات ... اللي سكت سنوات ووقت الازمات تكلم وقال هات ... واللي عاش في نعيم واللي من الفقر مات ... قلب ابيض وقلب اسود طيب وشرس حسنات وسيئات وكلها حكايات ... تكتب في مجلدات ... والفرق كبير بين اقبح واجمل الصفات والتصرفات ... وفي النهايه بيعاني ناس كتير ويعيشون في متاهات ... والقله تعيش في نعيم على حساب العباد ويرموا لهم الفتات

والبقاء للاقوى والضعيف ملوش مكان ... والطيب في الزمن ده يقال عليه جبان اوغلبان ... الفقير عايش مهدد واللي معاه عايش في راحه وامان ... والدنيا تحولت لغابه عايش فيها الانسان

ناس ماتت عشان العدل والحق ... وبعد شهور طويله الحال هوهو ومفيش فرق

وثورة من اقوى وانجح ثورات الشرق ... راحت زي ومضة البرق ... والسبب مصالح شخصيه و الكدب ومفيش صدق

مماطله وتسويف ... بلطجه وتخويف ... مهاترات وتخريف ... فين الحق ملوش تعريف

ارحمنا يا لطيف

الطيبين ساكتين و مظلومين ... ما هم لا حكام ولا سياسيين ... ولا ليهم احزاب ولا ممولين

كل اللي عايزينه يكونوا عايشين في امان ومرتاحين ... ويارتهم عايشين دول متكدرين وللمر شاربين .. بلطجيه شمال ويمين ... بين اؤلي الامر والمسؤلين تايهين ... ومفيش ليهم وسط الزحمه ممثلين ... طيب يثقوا في مين ولا مين ... ما دول عيزين سلطه وبيها متمسكين ... ودول بوشين

والباقيين كل هدفهم مصلحه شخصيه وكلنا عرفين ... ارحمنا يارب العالمين

قالوا محاكمات للظلمه وفرحونا ... وشويه بحركات غريبه صدمونا ... اتاريهم كانوا بيمطلونا

او بيسجدونا ... ولغوا قوانين ورجعوها وخنقونا ... وشكلهم كده ناوين يرجعوا كل حاجه قديمه يارب تكونوا فهمتونا

والنبي في محكمه من غير محاميين ... والشهاده تكون في كلمتين ... واسئله ايوة واسئه لا يا صلاة الزين ... يلا اهم ردوا القضاه وغيروهم وكلنا شاهدين وشايفين

واسمع الاسلوب الجديد ... لحل مشاكل شعب عاش سنين مهموم ومن ارضه طريد ... والحق كان فقيد ... كل اللي يجعجع يقولوله ليك حق اكيد ... ويدوله ما يريد ... واللي ساكت يقولوا سيبك منه ده بليد ... وملوش حق البعيد ... ويعيش بملاليم مطحون وشريد

حتى الناس مش عرفه هي عيزة ايه ... يشتموا في البلطجي ويدعوا عليه ... ولما يتمسك بسلاح ويستجوبوه يقولوا حرام وليه ... انا مش بشجع التعذيب يا بيه ... بس تخيل نفسك متثبت بسلاح واتسرق منك عربيه او كام جنيه ... حتعمل ايه او تتمنى تشوف اللي سرقك معمول فيه ايه

لكن لما يكون البلطجي بعيد عنك تقول حرام تيجوا عليه

واتفرج على الفضائيات ... اللي ليه واللي ملوش لازم يرغي بشوية كلمات ... حتى قنوات الرياضه تتكلم في السياسه وسابوا الركنيات والبلنات ... و الفنانين والفنانات مقضينها افتائات

ارحمنا يارب الارض والسماوات