......البر عشقي - للشاعر عاشق الصحراء
ياهاجسي سوق القوافي تباشير
لابو حمد واخبرة عن ما جرالي
قله ترى حالي قضته التفاكير
من يوم شديت الرحايل شمالي
اشفق على خوت رجال(ن)مغاوير
في ساعةً قل الخوي الموالي
جلست رفيق وذي دلال (ن) مباهير
منها يفوح الهيل ياعز حالي
واذا طلعت البر جوني مسايير
افرح بشوفتهم ولا ضاق بالي
بين الخزامى والنفل والمباكير
وطاروق شعر(ن)هيضه ماطرالي
وزهراقحوان في طرفنا مناوير
وباقي مساحات الصحاري خوالي
ايوالله اني بعدها ماني بخير
بين القصور النايفات العوالي
مثل الضرير اللي عظامه مكاسير
قل الرجا والحظ ياخوك مالي
البرعشقي مير هذي تدابير
وحكم الولي مافيه شور ومجالي
الصبرفي قلبي لهيب المجامير
يالله تبدل كل مر(ن)بحالي
ادعو معي(يا عاشقين الغنادير)
الله يجمعني مع كل غالي
منشورات مجلة Unknown
بتاريخ الأربعاء, سبتمبر 22, 2010.
أنظر قسم
أبجدية صبا,
شعر وشعراء
.
نرحب بآرائكم وملاحظاتكم ومساهماتكم راسلنا