الختيارة أم سليمان والخصخصة - عمر الزيود

صباح الخير يا اصدقائي, الموظه الدارجه في بلدنا هي الخصخصه يعني البيع, وصديقة الختياره ام سليمان قررت انها تخصخصني يعني تبيعني يعني تخلص مني, و اطلقت صديقتي الختياره ام سليمان شعار( مواطن للبيع), وطبعا أم سليمان قصدها عني, ولا تفهموني غلط, وشروط الختياره أم سليمان حتى توافق على خصخصتي: 1:أن يكون المستثمربالغ عاقل راشد 2: ان لا تتكفل خزينة ام سليمان أي شروط جزائيه في حال اذا ما التزمت بالعقد, و أن لا تدفع مليار دولار اذا ما التزمت بالعقد, لانه أم سليمان مش مجنونه توقع على عقد جزائي بمليار دولار مثل ........ 3:أن يكون المستثمر انثى يعني سيدة اعمال,ولن ينظر في الطلبات المقدمه من المستثمرين الذكور 4: ان تكون المستثمره (سيدة الأعمال) حسنة المظهر وتكون زاكيه كثير كثير كثير كثير كثير 5: أن تتكفل المستثمره وتحلف 100 يمين لصديقتي الختياره ام سليمان أنه رح تشتريلي كل يوم اواعي جداد طبعا المستثمره اللي بدها تستثمرني رح تلاقي بشخصيتي امتيارات مربحه أكثر من أرباح النفط والذهب والصخر الزيتي اللي بعده ما طلع من تحت الارض , يعني أنا شخص من الطراز الاول براي كل الأقتصادين وخاصة المحلله الأقتصاديه والخبيره باسعار البني ادميين الختياره أم سليمان والامتيازات المتوفره بشخصيتي 1: أحمل رقم وطني 2:أنا زاكي وحلو كثير وبجنن ومجنون 3:بعرف اسوق جميع السيارات وخصوصا( الحمار) 4:عندي سياره نوعها مرسيدس 190 موديل1968 5:بستحي من النسوان وخصوصا النسوان الحلويين 6:معي موبايل حساس اسمه( دمعه), وكل يوم موبايل الدمعه ينزل دموع على حالي و احوال الناس 7: أجيد جميع اللغات كتابه ومحادثه, مثل اللغه العاميه, واللغه البدويه, واللغه البيضاء, واللغه السوداء,. واللغه الخمريه, واللغه البرتقانيه, واللغه الخ.............. 8: بحب اغنية عبدالحليم حافظ ( قارئة الفنجان), واغنية أم كلثوم( ثورة الشك), و أنا بنصح كل شخص مهتم بالتخاصيه بنصحه يسمع لام كلثوم اغنية ( ثورة الشك) للراغبين والمهتمين يرجى الحضور لعند بيت الختياره ام سليمان, بعد المثلث على اليمين, بجانب عمود الكهرباء يرجى عدم تدخل الوسطاء أو الفضوليين عند توقيع العقد يرجى عدم اطلاق العيارات الناريه أو الغيارات الداخليه الزفه والحناء الساعه الثالثه فجرا والناس نايميين عشان ما حدا يعترض على الصفقه ودامت دياركم العامره بالخصخصه والبيع